⭕ شبكة مسارب الضي الإخبارية | دبوس حااااار  |د. أحمد منصور المحامى |  يابرهانوك فك اللجاموك لى ناس منطقة غرب أمدرمانوك عشان التدوينوك بتاع أم كعوك كلو بقى يجى لى كررى وأمبدات من هنوك

⭕ شبكة مسارب الضي الإخبارية | دبوس حااااار  |د. أحمد منصور المحامى |  يابرهانوك فك اللجاموك لى ناس منطقة غرب أمدرمانوك عشان التدوينوك بتاع أم كعوك كلو بقى يجى لى كررى وأمبدات من هنوك …
يا سعادة الفريق أول البرهان فك اللجام لأسود الغربية والجنوبية فى أمدرمان …
التدوين ده كله بقى يجى من غرب أمدرمان ( مناطق أمبدات وبعدها بيرجعوا لى دار السلامات ) …
وأيضاً من الناحية الجنوبية الغربية ( مناطق البستان والنخيل والكسارات والمويلح ) …
ولم يتوقف التدوين منذ نظافة بحرى وتطهيرها من دنس المتمردين والقحاطة المتعاونين معهم …
وصااار التدوين شبه يومى على حارات أمبدة والثورات وكررى …
وحسب المعلومات المؤكدة جداً بأن التدوين يأتى من جهة غرب أمدرمان والجنوب الغربى لها …
وعند سقوط هذه الدانات على تلك المناطق تحصد العشرات من أرواح المواطنين الأبرياء …
وده كله عشان شنوووو ؟؟؟
وعشان منوووو ؟؟؟
أخاف يكون كله ده عشان كم واحد متمرد كان بيقاتل فينا ويا دوب رمى سلاحو وداير يستسلم عشان يتخارج بى طريق آمن بعد ما خسر معركتو فى الخرطوم …
*طيب …*
ماهى الضمانات التى إتخذتموها إن صح هذا التحليل على أنهم لن يحملوا سلاحهم ضدكم مرة أخرى عندما يصلون إلى مناطقهم …
يا جماعة متذكرين الالآف من الدعامة الذين خرجوا من المعسكرات فى أول الحرب وتركتموهم يذهبون ثم عادوا إليكم مرة أخرى مقاتلين !!!
*يا سعادة البرهان …*
زعماء القبائل ديل قبيل كانوا وين ؟؟؟
*فك اللجام يا سعادتك …*
وخلى الجيش يضرب كل الوسخ الفى أمبدات وغرب أم درمان …
وبعدها يقفل الطريق الغربى …
ومن كل الجهات كمان …
عشان ما تبقى لينا الإتفاقيات ذى الهدن الضيعتنا زماااان …
*يا ناس تكساس اصحوا معانا شوية …*
ناس منطقة أمدرمان الغربية شبه انجزوا مهمتهم ومنتظرنكم …
بالله عليكم فارقوا لينا صينية المنصورة دى شوية !!!
وامسحوا لينا أم كعوكات ديل مسحهم البلا …
*… أخيراً …*
يا سعادة البرهان …
كلما تقول ح تشكل حكومة …
ناس قحط المتقزمين الساقطين يردوا عليك ويقولوا ليك نحن زاتنا ح نشكل حكومة منفى موازية لحكومتكم …
وإنت طوالى قاعد تأجل تشكيل الحكومة بتاعتكم …
وطبعاً ده الدايرنو هم …
يعنى كلامهم ده عبارة عن تهديد فارغ وغير مؤثر …
أعلن حكومتكم فوراً يا سعادتك …
وأسس للمرحلة الإنتقالية التى ستقود البلاد إلى مرحلة الإنتخابات العامة التى لن يستثنى منها أحد …
وبعد داك المجتمع الدولى ح يكون أمام الأمر الواقع …
إما مع إقامة الإنتخابات العامة والتداول السلمى للسلطة …
وإما مع الإنقالابات والفوضى والتفلتات التى يقودها مراهقى السياسية …
*غايتووووووو …*
الجمل ماشى والكلب لن يترك نباحه أبداً …

*🖋️د. أحمد منصور المحامى …*